“Udeskole” an Dänemark, “Uteskole” an Norwegen, “Outdoor Learning” a Schottland, “Draußenschule” an Däitschland, Éisträich an der Schwäiz, la “Classe dehors” a Frankräich, l’”Ecole dehors” an der Belsch, “Apprendre au-delà des murs” am Kanada, … A ville Länner gëtt probéiert, d’Schoul ëmmer méi mam Liewen dobaussen ze verknäppen an d’Schoul och mol aus dem Schoulgebai erauszeféieren - an ëmmer méi Klasse probéieren dat och zu Lëtzebuerg. Op der Homepage vun der Stëftung Silviva fannt Dir vill interessant Inspiratiounen an all d’Virdeeler vum dobaussen léieren.
An de Joeren 2022 an 2023 huet de SCIPT an Zesummenaarbecht mat der Plattform „Kanner virun d’Dir“ e Concours organiséiert, wou all d’Klasse vum Land Aktivitéiten dobausse konnten organiséieren an dokumentéieren. All Klass déi dem SCRIPT hir Dokumentatioun erageschéckt huet, krut e flotte Cadeau. An der Rubrik „Inspiratioun“ fannt Dir e puer flott Beispiller, déi mir erageschéckt kritt hun.
Hei drënner fannt Dir eng Rei vun Aktivitéiten, déi Dir mat äre Klassen dobaussen kënnt maachen. All d’Aktivitéiten hun e Bezug mam Léierplang vun de Zyklen 1-4.
Fir weider Informatiounen ze kréien, kënnt Dir eis gär op mirsiraus@men.lu kontaktéieren.
